قابا اۋدانىنىڭ قوس ارال دەگەن جەرىندە دۇنيەگە كەلگەن، العاشىندا اۋىل موللاسىنان، كەيىن جاڭاشا وقىپ ساۋات اشقان، 1935-جىلدار ءشارىپقان دۋتىڭنىڭ اشقان سارسۇنبەدەگى مۇعالىم تاربيەلەۋ كۋرسىنەن وقىعان، قاباداعى العاشقى اعارتۋشى قاتارىندا قاراڭگۇر مەكتەبىندە مۇعالىم، قىزىلعايىڭداعى «ءشارىپقان مەكتەبىندە» مەكتەپ باستىعى بولعان، 1945-جىلدان 1951-جىلعا دەيىن قابا اۋداندىق ۇكىمەتتىڭ، جەمەنەي اۋداندىق ۇكىمەتتىڭ شىڭگىل اۋداندىق ۇكىمەتتىڭ ورىنباسار اكىمى بولعان، 1946- جىلى ءۇش ايماق ۇكىمەتى جاعىنان «ادالدىق» مەدالىمەن سيلانعان. توقتاجان 1951-جىلى التاي ايماعىنىڭ ۇيعارىمىمەن شىڭگىل اۋدانىنا جوتكەلىپ بارىسىمەن باس حاتشى، قوعام اماندىق شتابىنىڭ باستىعى قاتارلى مىندەتتە بولىپ، سوڭىندا شىڭگىلدىڭ ورىنباسار اكىمى بولىپ ىستەگەن، بۇل تۇستا، بايىزاقىمان اكىممەن تىعىز سايكەسىپ شىڭگىل حالقىنىڭ شارۋاشىلىق جانە وقۋ -اعارتۋ، قوعام حاۋىپسزدىگى، حالىق بۇقاراسىنىڭ ەگىن مال شارۋاشىلىعى سالاسىن باسقارعان. اۋدان قالاشىعى قۇرىلىس قايتا جاڭالاۋ جۇمىستارىنا باسشىلىق ەتكەن . بۇدان تىس سۋ قۇرىلىس قىزمەتىندە توعان الدىرىپ، شىڭگىل ەلىنە استىق قامداۋىنا جەتەكشىلىك ەتتى وسى ەڭبەكتەرى ٴۇشىن 1958-جىلى سيلانىپ، ەكسكۋرتسيادا بولعان. توقتاجان ءوز كەزىندە پارتيانىڭ العاشقى سوتسياليستىك قۇرىلىس كەزەڭىمەن ۇگىت ەتكەن وزات باسشى بولىپ ماداقتالعان. توقتاجان 1962-جىلى سولاقاي قىيمىلدىڭ كەسىرىنەن قىزمەتتەن قۋالانعان، 1978-جىلى اتاق-ابىرويى قالپىنا كەلگەن.