عىلىمقان زاينوللا ۇلى 1952- جىلى 10- ايدا مالشى وتباسىندا دۇنيەگە كەلگەن. 1952- جىلدان 1959- جىلعا دەيىن اتا-انا تاربيەسىندە بولعان، 1959-جىلدان 1966- جىلعا دەيىن باستاۋىش، ورتالاۋ مەكتەپ وقىعان. 1966-جىلدان 1975- جىلعا دەيىن ساربۇلاق اۋىلدىعىندا قايتالاي تاربيەدە بولعان. 1971- جىلدان 1975- جىلعا دەيىن اترەتتە زاپحوز، حاتشى، ورىنباسار اترەت باستىعى بولعان. 1975- جىلدان 1977- جىلعا دەيىن التاي فەداگوگيكا مەكتەبىنىڭ جالپىلىق كلاسىنان وقۋ تاۋىسقان. 1977- جىلدان 1982- جىلعا دەيىن جايىلما ورتالاۋ مەكتەبىندە، 1982- جىلدان 1992- جىلعا دەيىن ساربۇلاق اۋىلدىق ورتالاۋ مەكتەبىندە وقىتۋشى بولعان. 1992- جىلدان 2007- جىلعا دەيىن ساربۇلاق اۋىلدىق وقىتۋ رايونىنىڭ ينسپەكتورى بولعان. 1992- جىلدان 1993- جىلعا دەيىن كۇيتۇن وقۋ- اعارتۋ شۋەيۋانىندا مەكتەپ باستىقتارىن تاربيەلەۋ كۋرسىندە وقىعان. 1992- جىلى 7- ايدا دامىعان شكى ولكەلەردە وقۋ- اعارتۋ تاجىريبە الماستىرۋ تەكسەرىپ زەرتتەۋ قىزمەتىندە بولىپ، لانجۋ، ءشي- ان، نانجيڭ، شاڭحاي، قاڭجۋ، سۋجۋ، بەيجيڭ، گۋاڭجۋ قاتارلى ولكەلەر مەن قالالاردى كورىپ كوزاياسى كەڭىيدى. ول اۋىلدىقتىڭ ‹‹نىسانالى وقىتۋ››، ‹‹وقۋشىلار ساپاسىن باعالاۋ››، ‹‹مەكتەپ باسقارۋ››، ‹‹ەكى نەگىزدىك وقۋ- اعارتۋ›› قاتارلى وقۋ- اعارتۋ  رەفورماسىنا قاتىستى بولعان قىزمەتتەرىن جالپىلاستىرۋ جۇمىستارىنا ءبىر كىسىلىك ۇلەسىن قوسقان ازامات. 1976 - جىلى جۇڭگو كوممۋنيستىك جاستار وداعىنا، 1990- جىلى جۇڭگو كوممۋنيستىك پارتياسىنا مۇشەسى بولعان. ورتالاۋ مەكتەپتىڭ جوعارى دارەجەلى وقىتۋشىسى. وقۋ- اعارتۋ سالاسىندا 40 جىل قىزمەت ىستەپ 2007- جىلى داڭىقپەن زەيىەتكە شىققان.

قابا اۋدانىنداعى ‹‹ كولباي زيراتتىعىن›› تۇرعىزۋ، ەسكەرتكىش ورناتۋ، ‹‹ كولباي شەجىرەسىن›› قۇراستىرۋعا جانە ‹‹ كولباي اۋلەتىنىڭ›› كونە زيراتتىقتارى مەن اتا-مەكەن تۋرالى دەرەكتەمەلەردى قۇراستىرۋ، سۋرەتكە تارتۋ جۇمىستارىنا ايانباي ەڭبەك ەتكەن اعالارىمىزدىڭ ءبىرى.