حالىق اقىنى قالي قۋانبەك ۇلى 1941- جىلى سانجى وبلىسىندا دۇنيەگە كەلگەن. العاشتا ەسكىشە، ونان سوڭ 6- رايون 6- اۋىلدىق ‹‹ جاڭا ارىق›› مەكتەبىنەن جاڭاشا ساۋات اشىپ، 1958- جىلى بۋىرىلتوعاي اۋدانىنىڭ جەتارال اۋىلىنا قونىس اۋدارعان سوڭ ‹‹ اۋداندىق 1- ورتا مەكتەپكە وقۋعا تۇسەدى. ارادا ‹‹مادەنيەت توڭكەرىسى›› باستالىپ، اپەرباقاندارعا تابىلمايتىن كۇرەس نىساناسى بولىپ وقۋدان قول ۇزەدى. 11- كەزەكتى 3- جالپى جينىنان كەيىن ەسە تەڭدىك الىپ، اتانتاي كامەش اتتى قىزبەن ۇيلەنىپ، ءۇيلى- باراندى بولادى. كوزى اشىق، كوكىرەگى وياۋ دارىندى اقىن اۋىل اراسىندا ايتسكەرلىك ونەرىمەن كوزگە تۇسىپ، التاي ايماقتىق تۇڭعىش رەتكى اقىندار ايتىسنان 5- كەزەكتى اقىندار ايتىسنا دەين قاتىناسىپ، تالاي مايداندا ارىپتەستەرىمەن ءسوز سىناسىپ ماراپاتتالادى. 1982- جىلدان 1987- جىلعا دەيىن جەتارال اۋىلى بوزتال قىستاعىنا قىستاق باستىعى بولادى. مال جەردىڭ جەكەگە ءبولىنۋى، وتىرىقتانۋ ساياساتىنا ءبىر كىسلىك ۇلەس قوسادى.

ءوز باسىنا جەتەرلىك اقىل-پاراساتى بار ول جۇرتقا جاعىمدى، كوڭىل جىقپاس، بەرەكەنىڭ، ەڭبەكتىڭ ايتۋلى ادامى بولىپ، جاز بويى قولىنا وراق الىپ قىستاقتىڭ ءشوپ باسقان اتىز- ارىقتارىن تازالاپ، شاماسىنان اسىرا جۇمىس ىستەيدى. 1987- جىلى جازدا ەڭبەك باسىندا جۇرەك ناۋقاسى ءبىلنىپ، دەر كەزىندە قاربالاستىقپەن  ەمدەلە الماعاندىقتان، سول جىلى 8- ايدىڭ 12- كۇنى نە بارى 46 جاسىندا كەلمەستىڭ كەمەسىنە ءمنىپ، پانيدەن باقيعا اتتانادى.