اجار مولداقان قىزى ايماقتىق قازىنا مەكەمەسى قوعامدىق زاتتاردى شەكتەۋ كەڭسەسىنىڭ باستىعى بولعان. 1948- جىلى 12- جەلتوقساندا قابا اۋدانىنىڭ كولباي اۋىلىندا تۋىلعان. 1955- جىلدان 1959- جىلعا دەيىن قابا اۋدانى قۇمدى ارال باستاۋىش مەكتەبىندە، 1959- جىلدان 1962- جىلعا دەيىن قابا اۋدانى ورتالاۋ مەكتەبىندە،  1962- جىلدان 1965- جىلعا دەيىن التاي ايماقتىق 1- ورتا مەكتەپتە وقىعان. 1965- جىلدان 1970- جىلعا دەيىن شينجياڭ اۋىل شارۋاشىلىق داشۋەسىنىڭ اۋىل شارۋاشىلىق مەكانيكا  فاكۋلتەتىنەن وقۋ تاۋىسقان. 1970- جىلدان 1972- جىلعا دەيىن سانجى وبلىسى شينجياڭ اسكەري رايونىنىڭ 8846 - اسكەري بولىمىندە قايتالاي تاربيە العان. 1972- جىلدان 1975- جىلعا دەيىن ايماقتىق ەگىن شارۋاشىلىعىن ماشينالاندىرۋ مەكەمەسىنىڭ قازىنا  بولىمىندە، 1976- جىلدان 1988- جىلعا دەيىن ايماقتىق كووپەراتيۆ ءىس باسقارۋ مەكەمەسىنىڭ قازىنا بولىمىندەءبولىم كادرى، 1988- جىلدان 1995- جىلعا دەيىن ايماقتىق قازىنا مەكەمەسىنىڭ ءبولىم كادرى، 1995- جىلدان 2004 - جىلعا دەيىن ايماقتىق قازىنا مەكەمەسىنىڭ قوعامدىق زاتتاردى شەكتەۋ كەڭسەسىنىڭ باستىعى بولعان، پارتيا مۇشەسى. ول 10 جىلدىڭ ۇستىندە قازىنا بولىمىندە بۇقالتر، كاسسىر قىزمەتىن ىستەگەن. كەزىندە قازىناعا قاتىستى بەلگىلەمەلەر مەن قازىنا تارتىپ ەرەجە تۇزىمدەرىن دايەكتى اتقارىپ باسشىلىقتىڭ ماداقتاۋىنا، بۇقارانىڭ العىسىنا بولەنگەن. 10 جىلدان استام ۋاقىت ايماقتىق قازىنا مەكەمەسىنىڭ قوعامدىق زاتتاردى شەكتەۋ كەڭسەسىنىڭ مەڭگەرۋشىلىك مىندەتىن اتقارعان.بۇل قىزمەت ايماق كولەمىندەگى بارلىق اكىمشىلىك ءىس ورىنداردىڭ قۇرىلىم كولەمى جانە قىزمەت قاجەتىنە ەكونوميالىق احۋلىنا قاراي اۆتونوميالى رايوننىڭ بەلگىلەنگەن ولشەمدەرى بويىنشا قاتاڭ دايەكتى اتقارىپ باسقاراتىن ۇرىمتال جۇمىس ورنى بولاتىن. ول قىزمەت بارىسىندا رايون جانە اكىمشىلىك مەكەمەسىنىڭ بەلگىلەمەلەرىن، ديەكتى اتقارسا ءارى نەگىزگى قاتتامدارداعى اكىمشىلىكءىىس ورىنداردىڭ قىزمەت قاجەتىن شەشۋگە بارىنشا كوڭىل بولىپ رايونعا ىرىقتىلىقپەن دوكلات ەتىپ، وسى ورىنداردىڭ قاتىناس كولىكتەرىنىڭ قارجاتىنىڭ ءبىر ءبولىمىن كەشىرىم ەتۋدى شەشىم ەتۋگە بەلسەندى قىزمەت ىستەۋ مەن بىرگە، نەگىزگى قاتتامداعى مەكتەپ، دوحترحانالاردىڭ، بالالار باقشاسى قاتارلى ورىنداردىڭ ەكونوميكالىق قيىنشىلىعىن جوعارىعا جولداپ رايوننىڭ قاراجات جاقتان كومەكتەۋسىن قولعا كەلتىرگەن. قىزمەتتە ادال، تۋراشىل، كىرشىكسىز، كىشپەيىل بولدى.

 اجار مولداقان قىزى اق كوڭىل، اشىق جارقىن، ۇلكەندى سيلاپ كىشىنى ايالايتىن، ادامدارعا مەيرلى، كوپشىل مەيمان دوس، ونەر سۇيەر، انگە اۋەس، قىزمەتتەستەرىمەن جانە كورشىلەرىمەن شىعىسىمدى، تۋىستار ارا بەرەكە بىرلىكتىڭ ۇيتقىسى، ۇرپاق تاربيەلەۋدىڭ مايتالمان اياۋلى اناسى، ول رايوندىق قازىنا مەڭگەرمەسى جانە ايماقتىق قازىنا مەكەمەسى جاعىنان ءتورت رەت ىلعار قىزمەتكەر، ورگان پارتكوم جاعىنان كوپ رەت ۇلگىلى پارتيا مۇشەسى، ۇلتتار ىنتىماعىنىڭ وزاتى بولىپ ماراپاتتالعان. زەينەتكە شىققاننان كەيىندە ۇرپاق تاربيەلەۋ سىندى قوعامدىق ارەكەتتەرگە بەلسەنە قاتىناسقان.